Мерейлі мерейтой
Бүгін Қазақстан Республикасы Ұлттық архивінің мемлекеттік қор каталогымен жұмыс жүргізу бөлімінің басшысы Карменов Қуаныш Дәукенұлының туған күні!
Құрметті Қуаныш Дәукенұлы, Сізді Қазақстан Республикасының Ұлттық архиві басшылығы мен қызметкерлерінің атынан 60 жасқа толған мерейтойыңызбен шын жүректен құттықтаймыз!
Осы таңда адам өмір жолының асқар биігі – алпыстың шыңына шығып отырған сізді әріптестеріңіз бар күш-жігерін мемлекетіміздің архив саласын дамытуға, Қазақстан болашағына арнаған білімді, зиялы азамат ретінде таниды. Өз еңбек жолыңызда талай белеске шығып, ұжымның және достарыңыздың құрметіне бөлендіңіз.
Өмір жолында еңбексүйгіштік, қоғамдық белсенділікпен ерекшеленіп, нағыз азаматтық қасиеттерге ие ірі тұлға ретінде қазақ халқының игілігіне бөленіп, қызметтің ең қызықты да қиын салаларын атқарып отырған абырой-беделіңізді атап өтпей кетуге болмас.
Бұл жылдар сіздің қоғамдық және жемісті еңбегіңіздің нағыз кемеліне келген кезең болды. Туған елге деген сүйіспеншілік арқылы парасатты да рухы биік жас архившілерді тәрбиелеу жолында білікті басшы қырынан көрініп келесіз.
Қоғам игілігіне бағыттап отырған ерен еңбектеріңіздің еліміздің нығаюына өзіндік үлесі бар. Осынау игілікті істе қанатыңыз талмасын, қажыр-қайратыңыз қашанда арта бергей!
Өзіңізге және отбасыңызға зор денсаулық, ұзақ ғұмыр, ырыс пен ынтымақ, бақыт пен береке тілейміз! Шығар шыңдарыңыз әрқашанда биік болғай.
Құрметпен,
Қазақстан Республикасы
Ұлттық архивінің ұжымы
