Біліктілікті арттыру семинары
26-27 қыркүйек күндері Қазақстан Республикасы Ұлттық архиві базасындағы Мемлекеттік және ведомстволық архив қызметкерлерінің біліктілігін арттыру орталығында «Құжаттама жасау және ведомстволық архивте құжаттардың сақталуын қамтамасыз ету» тақырыбында оқу семинары өтті.
Біліктілікті арттыру семинарына Қазақстан Республикасы Премьер-Министрі Кеңсесінің қызметкерлері қатысты.
Семинарға қатысушыларға Қазақстан Республикасы Ұлттық архивінің директоры С. Нұрланова; Архив істері және құжаттаманы басқару комитеті басқармасының басшысы С.Тащанова; құжаттанушы, 1996-2018 жылдары ҚР Президент Әкімшілігінің Жалпы бөлімінің меңгерушісі М. Жақыпов; ҚР Ұлттық архиві директорының орынбасары С.Мушкенова; ҚР Ұлттық архивінің бас қор сақтаушысы Ж. Жакипова; Ұлттық архив қорын қалыптастыру бөлімінің басшысы М. Шауленова; Ұлттық архив қорын қалыптастыру бөлімінің жоғары білікті маман-архивисі М.Нұртазина, Ұлттық архив қорын қалыптастыру бөлімінің жоғары білікті маман-архивисі Ш.Жұмадилова сынды мамандар «Цифрлық трансформация жағдайындағы құжаттаманы басқару және архив ісі», «Архив ісі саласындағы нормативтік құқытық актілер», «Құжаттама жасау қағидалары», «Мекемеде құжаттармен жұмысты ұйымдастыру», «Қазақстан Республикасы Ұлттық архив қорының құжаттарын пайдаланудың негізгі түрлері», «Мемлекеттік сақтауға құжаттарды қабылдау (тапсыру) ережелері», «Құжаттардың сақталуының талаптары», «Ведомстволық архивте құжаттардың сақталуын қамтамасыз ету», «Құжаттардың құндылығына сараптама жүргізу» «Ұйымның істер номенклатурасын жасау» тақырыптары бойынша дәріс оқыды.
Семинар барысында дәрістерден алынған материалдарды игеру мақсатында шеберлік сағаттары және тәжірибе алмасу сабақтары өтті.
Семинар қатысушыларына Қазақстан Республикасы Ұлттық архивінің директоры Сағила Есімсейітқызы Нұрланова сертификаттар табыс етті.
Курс соңында сертификат иелері «Сағила Есімсейітқызы! Сізге және Сіз басқарып отырған Қазақстан Республикасы Ұлттық архивінің білікті ұжымына ақжарма тілегімізді арнаймыз! Сіздер, еліміздің тарихының қайнар көзі бола отырып, көп нәрсеге көзімізді ашқан білімнің бұлағы іспеттісіздер. Білмейтінімізді білдіріп, білім сыйлап, тәжірибемен бөліскендеріңіз үшін және екі күніміздің өнімді, тиімді, пайдалы өткеніне көп рахмет», – деп ұйымдастырушыларға өз алғыстарын жаудырды.
