Президент Қасым-Жомарт Кемелұлы Тоқаевтың 2022 жылғы 1 қыркүйектегі Жолдауынан:
2028 жылға дейін әйелдер үшін зейнет жасы 61 жас болады. Зейнетақы жүйесі қайта жасақталады. Ұлттық қордың инвестициялық табысының 50 пайызын 18 жасқа дейінгі балалардың арнайы есепшотына аудару ұсынылды. Шоттағы қаржыны тек 18 жасқа толғаннан кейін, баспана немесе білім алу мақсатында ғана шешуге болады. Бала күтіміне байланысты жәрдемақы бала бір жарым жасқа келгенге дейін төленетін болады (2023 жылдан бастап). Жоғары білім алу үшін жылына 2-3пайызбен жеңілдетілген несие беріледі.
Биыл күзде кезектен тыс Президент сайлауы өткізіледі. Президент мандатының ұзақтығын 7 жылдық бір мерзіммен шектеу ұсынылды. Келесі жылы Мәжіліс және мәслихат сайлауы өтеді (Болашақта Үкіметтің құрамына сайлаушылардың басым көпшілігінің дауыстарын алған саяси күштердің ғана емес, Парламенттегі басқа да партиялардың өкілдері кіреді). Қаңтар оқиғасына қатысушыларға бір реттік рақымшылық жасалады. Көліктік утиль алым мен алғашқы есепке тіркеу алымы 250 мың теңгеден аспайтын болады (1 қыркүйекке дейін кірген көліктер үшін) Балабақша тәрбиешілерінің жалақысы көтерілетін болады. Ең төменгі жалақы деңгейі 60 мың теңгеден, 70 мың теңгеге көтеріледі. Бұл – 1,8 млн адамды тікелей қамтиды.
You may also like
Әйелге әсемдік жарасады
5 Наурыз, 2025
«Egemen Qazaqstan» газетіне 105 жыл
13 Желтоқсан, 2024