Архивтегі кездесу

2020 жылдың 4 желтоқсанында Қазақстан Республикасының Мәдениет және спорт министрлігінің Жауапты хатшысы Б.Темірболат, Архив ісі және құжаттама департаментінің директоры Б.Тансыбеков, Архив ісі және құжаттама департаменті басқармасының басшысы Г.Қарсақбаева және Қазақстан Республикасы Ұлттық архивінің директоры С.Нұрланова Нұр-Сұлтан қаласының мемлекеттік архивінде болды.

Қазақстан Республикасының Мәдениет және спорт министрлігінің Жауапты хатшысы Бақытжан Темірболат Мейрам Бектембаев басшылық ететін елордалық бас архив ұжымына Ұлттық архивтің жаңа басшысы Сағила Нұрланованы таныстырып, алдағы уақытта архив мекемелері арасында ынтымақтастық орнайтынына сенім білдірді.

Қазіргі заман ақпарат заманы болғандықтан кездесу барысында қоғамның рухани, мәдени дамуындағы негізгі ресурстарының қатарына жататын архивтік құжаттардың электронды архивін құру, қазіргі кездегі архив ісінің дамуы мен болашағы, отандық архив саласының жетістіктері мен өзекті мәселелері талқыланды.

Сонымен қатар әріптестер астаналық архивтің материалдық-техникалық базасын көріп, жұмыс барысымен танысты.

***

***

***

***

***